ghodo baniyo ghadoliyo Chaliyo by sunita swami,घोड़ों बनयों घडोलियो चालियो ले बेटा ने मोरा  पर

तर्ज, सगला साथी पर्णिज्या में रहयो कुंवारो

घोड़ों बनयों घडोलियो चालियो, ले बेटा ने मोरा  पर। गोडा घस घस घनों कमायो ,खर्च कर दियो बेटा पर।

खुद रहतो फाटी अंगरकी, सूट दिलाया बेटा ने।खुद रहतो फाटी अंगरकी, सूट दिलाया बेटा ने। खुद चप्पल सू काम चलाया, उंट दिलाया बेटा ने। घनों लड़ायो घणो पढ़ायो, पीछे चढ़ायो घोड़ी पर। पांच सो  रा नोट उवार्यां, बेटा बहुरी जोड़ी पर।घोड़ों बनयों घडोलियो चालियो, ले बेटा ने मोरा  पर। गोडा घस घस घनों कमायो ,खर्च कर दियो बेटा पर।

थोड़ा दिन तो सयाणा रहया ,फिर शुरू खटपट होगी।थोड़ा दिन तो सयाणा रहया ,फिर शुरू खटपट होगी। सास बहू में अनबन हो गई, कीच कीच और झिक झीक होगी। टूट गयो विश्वास बाप रो ,बेटो रण में कूद गयो। कात्यों सूत कपूत निकल गयो भूल गयो और सूत गयो।घोड़ों बनयों घडोलियो चालियो, ले बेटा ने मोरा  पर। गोडा घस घस घनों कमायो ,खर्च कर दियो बेटा पर।

छाती से चीप  कर राख्या, वे मूंग दले है छाती पर।छाती से चीप  कर राख्या, वे मूंग दले है छाती पर। तूं तूं पर वे उतर आगया, केवन लागया पांती कर। बेटी गई पराया घर में ,बेटो भी न्यारो होगयो। बुढ़ापा आंखयां रो ओझल, आंखयां रो तारों होगयो।घोड़ों बनयों घडोलियो चालियो, ले बेटा ने मोरा  पर। गोडा घस घस घनों कमायो ,खर्च कर दियो बेटा पर।

झर झर आंसू माता रोवे, बाप रोवे है घुट घुट कर।झर झर आंसू माता रोवे, बाप रोवे है घुट घुट कर। सेवा रा सपना टूटया और, सुख की आशा गई बिखर। खुद रो घर खावन ने दौड़े, सन्नाटो सो गयो पसर। कौन समझे यो म्हारो दुखड़ो, बांझ रही बेटा जन कर।घोड़ों बनयों घडोलियो चालियो, ले बेटा ने मोरा  पर। गोडा घस घस घनों कमायो ,खर्च कर दियो बेटा पर।

दो पाटा के बीच पीसीजे ,छाती ने करडी कर कर।दो पाटा के बीच पीसीजे ,छाती ने करडी कर कर। आंसू पी पि दीनडा काटे, कईया कटे हो या उमर। खुद रो खून परायो हो गयो ,खुद रि पीड सुनावे कीन। माही रोवे मुंह पे मुल्के,खुद रो दुःख बतावे किन।घोड़ों बनयों घडोलियो चालियो, ले बेटा ने मोरा  पर। गोडा घस घस घनों कमायो ,खर्च कर दियो बेटा पर।

तिवाड़ी ढलती उम्र में, कमर झुकी गोड़ा थाक्या।तिवाड़ी ढलती उम्र में, कमर झुकी गोड़ा थाक्या। एडा दिन देखन के खातिर, राम जीवता क्यों राखया।बाप बनया जद घणा फुलिज्या,थाली बाजी ढोल पूर्या। माचा पर मां-बाप पड़या जद ,बेटा देखने नहीं आया।घोड़ों बनयों घडोलियो चालियो, ले बेटा ने मोरा  पर। गोडा घस घस घनों कमायो ,खर्च कर दियो बेटा पर।