Mandir ri khidki khol,मिन्दर री खिड़की तू तो खोल मीराबाई मिन्दर री खिड़की तू तों खोल,meera bhajan

मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

अरे नही है नुगरा रो अटे काम राणा, नही है नुगरा रो अटे काम।नुगरा मिनका ने दर्शन कोनी मिले ओ जी। अरे नुगरा मिनका ने दर्शन कोनी मिले ओ जी।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

अरे कुण तो धरीया है माथे हाथ, मीराबाई कुण तो धरीया है माथे हाथ। किनरा थे कंठी डोरा बांधीया ओ जी। अरे किनरा थे कंठी डोरा बांधीया ओ जी।अरे रविदास धरीया माथे हाथ राणा, रविदास धरीया माथे हाथ, डोरा कंठी वेतो बांधीया ओ जी, अरे कंठी डोरा वेतो बांधीया ओ जी।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

अरे ओची है जमारा वाली जात मीराबाई, ओची है जमारा वाली जात। मुआ ढोरो रा काटे चामडा ओ जी। अरे मुआ ढोरो रा काटे चामडा ओ जी।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

अरे कोनी मारे ऊंच नीच रो काम राणा, कोनी मारे जात पात रो काम। बोना देखेने गुरूसा कर दिया ओ जी। अरे बोना देखेने गुरूसा कर दिया ओ जी।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

अरे नेनी रे थकी मे भजीया राम मीराबाई, नेनी थकी मे भजीया राम। थोडो परचो माने बतावनो ओ जी। अरे थोडो परचो तो माने बतावनो ओ जी।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

अरे छोटी उमर मे भजीया श्याम, मीराबाई छोटी उमर मे भजीया श्याम।थोडो रामय्या ने हेलो मार जो ओ जी। अरे थोडो रामय्या ने हेलो मार जो ओ जी ।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

आतो लेली लेली कंठी माला हाथ मीराबाई, लेली लेली कंठी माला हाथ। अरे हवले सावरिया ने हेलो मारीयो ओ जी। अरे हवले अरे ने हेलो मारीयो ओ जी।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

ओ हो धडा धड इन्द्र गाजे रेण राणा, धडा धड इन्द्र गाजे रेण। मेवुडो बरसे रे मुसलाधार मे ओ जी। अरे मेवुडो बरसे रे मुसलाधार मे ओ जी।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

अरे कोनी भगती कायर वालो काम राणा, कोनी भगती कायर वालो काम। शूरा पूरा री भगती खेलनी ओ जी। अरे शूरा पूरा री भगती खेलनी ओ जी ।मिन्दर री खिड़की तू तो खोल मीराबाई, मिन्दर री खिड़की तू तों खोल। राणो आयो है दर्शन करवाने ओ जी। अरे राणो आयो है दर्शन करवाने ओ जी।

मिन्दर री खिड़की तू तो खोल मीराबाई, मिन्दर री खिड़की तू तों खोल।राणो आयो है दर्शन करवाने ओ जी। अरे राणो आयो है दर्शन करवाने ओ जी ।।