Hariyalo sawan aayo dadi aayijyo,हरियालो सावन आयो दादी आजईयो,dadi bhajan

तर्ज,कान्हुडा़ लाल घड़लो म्हारो

हरियालो सावन आयो दादी आजईयो।
आजईयो माँ आजईयो।हरियालो सावन आयो दादी आजईयो।

तीजां रो त्यौहार है आयो,
थान बुलाऊं दादी चाव समायो।
पोता पोती र आंगन आजईयो।
हरियालो सावन आयो दादी आजईयो।
आजईयो माँ आजईयो।हरियालो सावन आयो दादी आजईयो।

मेहन्दी लगाऊं थार हाथां राचणी
सर पर उढा़ऊं थान लाल ओढ़णी,
चुड़ो पहनाऊं थान आजईयो।हरियालो सावन आयो दादी आजईयो।
आजईयो माँ आजईयो।हरियालो सावन आयो दादी आजईयो।

आंगन मं थारी खातिर झुलो घालुं
चुन चुन कलियां झुलो सजाऊं
हौले सुं झोटा देउं आजईय। हरियालो सावन आयो दादी आजईयो।
आजईयो माँ आजईयो।हरियालो सावन आयो दादी आजईयो।

सखियां बुलाऊं थान भजन सुणासी।
खीर बणाऊं म्हारो मन सुख पासी।
लाड लडा़ऊं थारा आजईयो।हरियालो सावन आयो दादी आजईयो।

दादी म्हारी थारी याद सताव
मिलण री मन मं हुक घणी आव।
उषा बुलाव थान आजईयो,हरियालो सावन आयो दादी आजईयो।
       

हरियालो सावन आयो दादी आजईयो।
आजईयो माँ आजईयो।हरियालो सावन आयो दादी आजईयो।