Dholi dholi re dhaja farukhe re dhora dharti maay,धोळी-धोळी रे धजा फरुखे रे धोरा धरती माँय,ramdev ji bhajan

धोळी-धोळी रे धजा फरुखे रे, धोरा धरती माँय । रामदेव बाबा से मिन्दर, गाँव रुणिचा माँय।

एक आसरो रामधणी रो, इण कलजुग रे माँय।छोटा-मोटा सगळा ही ध्यावे, रामदेवजी रो नाम । साधु सन्त जगावे जमलो, सारी सारी रात। धोळी-धोळी रे धजा फरुखे रे, धोरा धरती माँय । रामदेव बाबा से मिन्दर, गाँव रुणिचा माँय।

अजमल घर अवतार लियो, माँ मेणां दे रा लाल। भादरवे री दूज भीजे, मेलो सालो साल। लीले घोड़े री असवारी, नेजो सोवे हाथ।धोळी-धोळी रे धजा फरुखे रे, धोरा धरती माँय । रामदेव बाबा से मिन्दर, गाँव रुणिचा माँय।

भगतां रो रखवालो बाबो, रामदेव अवतारी । हेलो सुणतां हाजर आवे, लीले री असवारी। तीन लोक जस गावे जिणरो, न्यारी जग सूं बात।धोळी-धोळी रे धजा फरुखे रे, धोरा धरती माँय । रामदेव बाबा से मिन्दर, गाँव रुणिचा माँय।

दास अशोक सुणावे बाबा, आयो थारे द्वार। नैया डगमग डोले म्हारी, एकर कर दो पार । निज मन में संतोष दिरावो, मेणां दे रा लाल।धोळी-धोळी रे धजा फरुखे रे, धोरा धरती माँय । रामदेव बाबा से मिन्दर, गाँव रुणिचा माँय।