बन्ना थोरे काना रा गज मोती
म्हाने बकसाईदो राज बना सा।बन्ना थोरे काना रा गज मोती,म्हाने बकसाईदो राज बना सा।
बन्नी थे तो देखो जो ही मांगो।बन्नी थे तो देखो जो ही मांगो।काकोसा लड़सी ऐ राज बन्नी सा।बाबोसा लड़सी ऐ राज बन्नी सा।
बन्ना थे तो काकोसा सु डरग्या।बन्ना थे तो बाबूसा सु डरग्या।जद क्यों परणा राज बना सा।जद क्यों परणा राज बना सा।
बन्नी म्हाने छोटो ने परणाया।लाजो म्हाने छोटो ने परणाया।अब पिछतावा ओ राज बन्नी सा।अब पिछतावा ओ राज बन्नी सा।
बन्ना थारी हाथो री घडी हरियालो।बन्ना थारी हाथो री घडी हरियालो।
म्हाने बकसाईदो राज बना सा।
बन्नी थे तो देखो जो ही मांगो।बन्नी थे तो देखो जो ही मांगो।माताजी लड़सी ऐ राज बन्नी सा।माताजी लड़सी ऐ राज बन्नी सा।
बन्ना थे तो माताजी सु डरग्या।बन्ना थे तो माताजी सु डरग्या।जद क्यों परणा राज बना सा।जद क्यों परणा राज बना सा।
बन्ना थोरे गला रो पातलियो,बन्ना थोरे गला रो पातलियो,म्हाने बकसाईदो राज बना सा।म्हाने बकसाईदो राज बना सा।
बन्नी थे तो देखो जो ही मांगो।बन्नी थे तो देखो जो ही मांगो। दादोसा लड़सी ऐ राज बन्नी सा।दादोसा लड़सी ऐ राज बन्नी सा।
बन्ना थे तो दादो सा सु डरग्या।बन्ना थे तो दादो सा सु डरग्या।जद क्यों परणा राज बना सा।जद क्यों परणा राज बना सा।
बन्नी म्हाने छोटो ने परणाया।लाजो म्हाने छोटो ने परणाया।अब पिछतावा ओ राज बन्नी सा।अब पिछतावा ओ राज बन्नी सा।
Naye Naye Bhajan Lyrics 