Paiso pyaro  re Duniya Mein paiso Jadugaro Re,पैसों प्यारो रे दुनिया में श्याम जादूगारो  रे पैसों प्यारो रे,holi geet

तर्ज,धमाल

पैसों प्यारो रे दुनिया में पैसों जादूगारो  रे, पैसों प्यारो रे।पैसों प्यारो रे दुनिया में पैसों,  जादूगारो  रे, पैसों प्यारो रे।जादूगारो  रे पैसों, कामनगारों रे।पैसों प्यारो रे।

पैसा से नर प्यारो लागे, ज्यों काजलियो कालो रे।पैसा से नर प्यारो लागे,ज्यों काजलियो कालो रे।  अजब चीज दुनिया में पैसो, जग दातारो रे ,पैसो प्यारो रे।पैसों प्यारो रे दुनिया में पैसों, जादूगारो  रे, पैसों प्यारो रे।

पैसा खातिर परमेश्वर की, सो सो सौगंध खावे रे।पैसा खातिर परमेश्वर की, सो सो सौगंध खावे रे। कुटुंब कबीला छोड़ पुरुष, परदेश कमावे रे, पैसों प्यारो रे।पैसों प्यारो रे दुनिया में पैसों, जादूगारो  रे, पैसों प्यारो रे।

पैसा से दुनिया में आदर, आगे आप पधारो जी।पैसा से दुनिया में आदर, आगे आप पधारो जी। निर्धन उभो टुकटुक जोवे, लागे खारो रे ,पैसों प्यारो रे।पैसों प्यारो रे दुनिया में पैसों, जादूगारो  रे, पैसों प्यारो रे।

काना खोड़ा लूला लंगड़ा, ने पैसों परणावे रे।काना खोड़ा लूला लंगड़ा, ने पैसों परणावे रे। निर्धन छैल फिरे भटकता, दाय ना आवे रे, पैसो प्यारो रे।पैसों प्यारो रे दुनिया में पैसों, जादूगारो  रे, पैसों प्यारो रे।

मात-पिता पैसा बिन बोले, यो बेटों दुखदाई रे।मात-पिता पैसा बिन बोले, यो बेटों दुखदाई रे। बिन पैसा के बहनड बोले, क्याको भाई रे ,पैसों प्यारो रे।पैसों प्यारो रे दुनिया में पैसों ,जादूगारो  रे, पैसों प्यारो रे।

बिन पैसा थे पड़ो कुआं में, बोले सगी लुगाई रे।बिन पैसा थे पड़ो कुआं में, बोले सगी लुगाई रे। सास ससुर कहे मिलीयो म्हाने, बूरो जमाई रे ,पैसों प्यारो रे।पैसों प्यारो रे दुनिया में पैसों, जादूगारो  रे, पैसों प्यारो रे।

भाई बंधु कुटुंब कबीला, पैसा है जब बोले रे।भाई बंधु कुटुंब कबीला, पैसा है जब बोले रे। कीर्तन माही भक्त मंडल थाने, झूठ ना बोले रे, पैसों प्यारो रे।पैसों प्यारो रे दुनिया में पैसों जादूगारो  रे, पैसों प्यारो रे।

पैसों प्यारो रे दुनिया में पैसों जादूगारो  रे, पैसों प्यारो रे।पैसों प्यारो रे दुनिया में पैसों,  जादूगारो  रे, पैसों प्यारो रे।जादूगारो  रे पैसों, कामनगारों रे।पैसों प्यारो रे।