Baba Ramdevji o Thane khamma ghani,बाबा रामदेवजी ओ थाने खम्मा घणी,ramdev ji bhajan

महिमा गावा रामदेव री सुन्यो ध्यन लगाए,जन्म जन्म रा पाप कटे, दुःख दाड़ी कट जाए।

बाबा रामदेवजी ओ थाने खम्मा घणी ओ। अजमल जी रा कंवरा थाने खम्मा घणी।

मरुधर रा हो देव थारी ध्वजा फरुके थारा देश में।साचा मन सु ध्यावे जिन रो जन्म सफल होवे।माता मेना देवी का लाल थाने खम्मा घणी।अजमल जी रा कंवरा थाने खम्मा घणी।

क्षीर सागर में अजमल जी ने धनिया दिनों वरदान जी ।मॉस भादवा री बिज चांदनी को आवुला राखन थारो मान जी ।धरा बिचम सु आप पधारिया बालक बन ने आप जी ।पानी रो तो दूध बन गयो, मंड्या कुमकुम रा आप जी। रणछोड़ रा अवतार थाने खम्मा घणी। बाबा रामदेवजी ओ थाने खम्मा घणी।अजमल जी रा कंवरा थाने खम्मा घणी।

मक्का सु मिलन पीर पधारिया, परखन रामा पीर।कियो रामदेव आवो पीर जी जिमो मीठी खीर।बोलिया पीर कटोरा मारा रह गया मक्का मदीना ।वेह कटोरा मारा रे, जद थारे घर जिमो।तुरंत रामदेव भुजा पसारी, परचो पीरा ने दियो आप जी ।पलक झपकत आया कटोरा पांचो पीर जी धप्गाया।पीर यु बोलिया मैं तो यु पीर हो, आप तो पीरो रा पीर थे हो। जाट पात का भेद मिटायो, कोई नहीं उचो कोई नहीं निचो।दुस्टोने मार भगावान आया भक्तो रे बिच जी।थे तो पीरो रा हो पीर जी, थाने खम्मा घणी।बाबा रामदेवजी ओ थाने खम्मा घणी। अजमल जी रा कंवरा थाने खम्मा घणी।

लाछा बाई रो ब्याव रचायो, दान में दिनों आखो राज जी ।आप बसाया गाव रानुजो, जाग्या जोदाने रा भाग जी।बाई सुगना रा पूत जिमायो, बनिया री पलटी जहाज तारी। भक्तो रा हो थे रखवाला, महिमा रो पायो कोनी पार जी ।थे हो भक्तो रा आधार थाने खम्मा घणी।बाबा रामदेवजी ओ थाने खम्मा घणी ओ। अजमल जी रा कंवरा थाने खम्मा घणी।

दर्जी सोदा रे घर में बेटी, जन्मी ने नेतल पांगली।सपने में बाबा मिलिया रामदेव, पगा चलाई आंगली।बोली में परनु कुंवर रामदेव सु, जदी मारो सपनों वेला साचो जी। जदी बाबा रामदेव बिंद बनिया रानी नेतल री राखी लाज जी। पगा चलाई पकड़ आंगली नेतल रो सपनों करियो साच जी। रानी नेतल रा भरतार थाने खम्मा घणी।बाबा रामदेवजी ओ थाने खम्मा घणी ओ।अजमल जी रा कंवरा थाने खम्मा घणी ।

पिच्रंगी पाग माते, तिरो किलंगी कमर बन्ध्योली तलवार जी।धर पीठ पर हाथ में भालो लिले घोड़े रा असवार जी ।लाछा सुगना करे आरती, चवर ढोडावे हरजी आप रे ।डाली बाई नाचे गावे लेवे तंदूर हरी जस हाथ में।थे हो कलयुग का भगवन थाने खम्मा घणी।बाबा रामदेवजी ओ थाने खम्मा घणी ओ ।अजमल जी रा कंवरा थाने खम्मा घणी।

कही में गावा महिमा थारी, महिमा रो पायो कोनी पार जी ।कर्ज सारा पार उतारो गिरता पड़ता ने लीजो थाप जी ।लिखे जोगिड़ो गावे इन्दर धुन ने बतावे शिव जी।बाबा सब री रखो लाज थाने खम्मा घणी।मरुधर रा हो देव थारी धजा फिरोजी खम्मा घणी। बाबा रामदेवजी ओ थाने खम्मा घणी ओ ।अजमल जी रा कंवरा थाने खम्मा घणी।