Aaja Manmohan Meera medatan bulawe,आज्या मनमोहन मिरां मेड़तनी बुलावे,meera bhajan

आज्या मनमोहन मिरां मेड़तनी बुलावे
मिरां बुलावे थाने दासी बुलावे।आज्या मनमोहन मिरां मेड़तनी बुलावे
मिरां बुलावे थाने दासी बुलावे।

तुलसी की माला त्यागो सेवा साळगराम की,
जप तप नेम व्रत धुन घनश्याम की,
भगवा उतारो मिरां,राणों समझाव है,मिरां बुलावे थाने दासी बुलावे।आज्या मनमोहन मिरां मेड़तनी बुलावे,मिरां बुलावे थाने दासी बुलावे।

बाबोसा मायड म्हाने
लाड लडाई,राम जाने राणा जी न कय्या परणाई।
थारी तो प्रीत राणा,दाय कोनी आव रे।मिरां बुलावे थाने दासी बुलावे।आज्या मनमोहन मिरां मेड़तनी बुलावे,मिरां बुलावे थाने दासी बुलावे।

पत्थर न काई पूजो,इया बोल्या राणा जी,
ठाकुर न जिमाव जद,सांची प्रीत जाणा जी,
कपटी कुलंकी कुल के,दाग़ लगाव है।मिरां बुलावे थाने दासी बुलावे।आज्या मनमोहन मिरां मेड़तनी बुलावे,मिरां बुलावे थाने दासी बुलावे।

दुध को कटोरो भर क,ल्याई मिरां बाई,
पियो म्हारा भोला ठाकुर भजन सुनाई
जासी उदासी मिरां,आँसू ढलकाव है।मिरां बुलावे थाने दासी बुलावे।आज्या मनमोहन मिरां मेड़तनी बुलावे,मिरां बुलावे थाने दासी बुलावे।

मिरां की पुकार सुण के मोटो धणी आयो,
दूध को कटोरो भरियो,सारो गटकायो
मिरां की प्रतिज्ञा राखे,लाज बचावे है।मिरां बुलावे थाने दासी बुलावे।आज्या मनमोहन मिरां मेड़तनी बुलावे,मिरां बुलावे थाने दासी बुलावे।

अमर सुहागण भागण राठोड़ा की जाई,
पिहरियो सासरियो दोनू त्यागो मिरां बाई,
भगत मिरां की ओल्युं माधोसिंह गावे रे।मिरां बुलावे थाने दासी बुलावे।आज्या मनमोहन मिरां मेड़तनी बुलावे,मिरां बुलावे थाने दासी बुलावे।