Me tane puchu Tulsa rani Kun tero mandir chinayo ye,म तन पूछू तुलसा रानी कुण तेरी मंदिर चिणायो ए,tulsi ji bhajan

म तन पूछू तुलसा रानी कुण तेरी मंदिर चिणायो ए।कुण तेरे मंदिरयां की नीम र लगाइ ए।

राधा है बा हर की प्यारी बा मेरो मंदिर चिनायो ए, सांवरिय गिरधारी ठाकूर नीम लगाइ ए ।

में तन पूछू तुलसा रानी कुण तेरो बिड़लो रोप्यो ए,कुण तेर बिडल न काचा दूदां सीचो ए,

राधा है बा हर की प्यारी वा मेरो बिड़लो रोप्यो ए, सावरिया गिरधारी ठाकुर काचा दूदां सींचो ए ।

में तन पूछू तुलसा रानी कुण तेरो ब्याह रचायो ए। कुण तेर बियाह को लगन लिखायो ए।

राधा है बा हर की प्यारी व मेरो ब्याह रचयो ए, सांवरियो गिरधारी ठाकुर लगन लिखायो ए।

में तन पूछँ तुलसा रानी कुण तेरी जान जिमाइ ए, कुण तेरी जानां म लाडूड़ा गुड़ाया ए।

राधा है बा हर की प्यारी बा मेरी जान जिमाइ ए, सांवरियो गिरधारी ठाकुर लाडूड़ा गुड़ाया ए।

में तन पूछू तुलसा रानी कुण तेरी गांठ जुड़ाइ ए, कुण तेरी गाठां म मोहर रुपिया घाल्या ए ।

राधा है बा हर की प्यारी बा मेरी गाँठ जुडाइ ए,सांवरिय गिरधारी ठाकुर मोहर रूपिया धाल्या ये।

म तन पूछू तुलसा रानी कुण तेरी दात सजोइ ये। कुण तेरी दाता म मोहर रुपिया धाल्या ए।

राधा है बा हर की प्यारी बा मेरी दात सजोइ ये। सांवरिय गिरधारी ठाकुर मोहर रूपिया धाल्य ए।

हलवां हलवां चाल कृष्ण तुलसां क मन्दिर आया ये। धन घड़ी धन भाग म्हार हर जी मन्दिर आया ए।

हर जी म्हार मन्दिर आया मानिक मोती ल्याया ए। पांव पड़न्ता पंखो ढोल्यो चरण शीश नवाया ए। गीरी ए छुवारा म्हार छप्पन मेवा ल्याया ए।