Rupido to le me darjide re gayi thi,रूपिडो तो ले में दर्जीडे रे गई थी,shadi geet

रूपिडो तो ले में दर्जीडे रे गई थी। दर्जीडे रा बेटा म्हारी अंगिया सिल दे।अंगिया सिल दे।नही तो म्हारो रुपिडो पाछो दे।नही तो म्हारो रुपिडो पाछो दे।

म्हारे तो अंगिया बाई सा रे कुर्ती,छैल भंवर रे बागो सील दे,बागो सील दे,नही तो म्हारो रुपिडो पाछो दे।नही तो म्हारो रुपिडो पाछो दे।

रूपिडो तो ले में सोनिडे रे गई थी।सोनिडे रा बेटा म्हारी पायल घड़ दे,पायल घड़ दे ।नही तो म्हारो रुपिडो पाछो दे।नही तो म्हारो रुपिडो पाछो दे।

म्हारे तो पायल बाई सा रे बिछिया,बादिले भंवर रे बीटी घड़ दे,बीटी घड़ दे,नही तो म्हारो रुपिडो पाछो दे।नही तो म्हारो रुपिडो पाछो दे।

रूपिडो तो ले में मांलीडा रे गई थी।मांलीडा रा बेटा महारो गजरो घड़ दे,गजरो घड़ दे,नही तो म्हारो रुपिडो पाछो दे।नही तो म्हारो रुपिडो पाछो दे।

म्हारे तो गजरो बाई सा रे हारज,बदीले भंवर ने फूलडा दे, कलियां दे।नही तो म्हारो रुपिडो पाछो दे।नही तो म्हारो रुपिडो पाछो दे।नही तो म्हारो रुपिडो पाछो दे।