Pilo ji pilo kayi karo sahelyo ye,पीलो जी पीळो कांईं करो सहेल्यूं ए,shyam bhajan

पीलो जी पीळो, कांईं करो सहेल्यूं ए,
पीळा म्हारे बाबाजी रा बेस, सहेल्यू ए ओ तो राजा भीमसेन रो लाल ।।

काळो जी काळो, कांई करो सहेल्यू ए.
काळा म्हारे बाबाजी रा केस, सहेल्यूं ए, ओ तो राजा भीमसेन रो लाल।।पीळी जी पीळो, कांईं करो सहेल्यूं ए,
पीळा म्हारे बाबाजी रा बेस, सहेल्यू ए ओ तो राजा भीमसेन रो लाल ।।

तीखा जी तीखा, कांई करो सहेल्यू ये,तीखा म्हारे बाबाजी रा नैण, सहेल्यूं ए, ओ तो राजा भीमसेन रो लाल।।पीळी जी पीळो, कांईं करो सहेल्यूं ए,
पीळा म्हारे बाबाजी रा बेस, सहेल्यू ए ओ तो राजा भीमसेन रो लाल ।।

लीलो जी लीलो, कांई करो सहेल्यू ए लीलो म्हारै बाबै रो तुरंग, सहेल्यूं ए, ओ तो राजा भीमसेन रो लाल ।।पीळी जी पीळो, कांईं करो सहेल्यूं ए,
पीळा म्हारे बाबाजी रा बेस, सहेल्यू ए ओ तो राजा भीमसेन रो लाल ।।

हरियो जी हरियो, कांईं करो सहेल्यूं ए, हरी म्हारै बाबाजी री बैंण, सहेल्यूं ए, ओ तो राजा भीमसेन रो लाल।।पीळी जी पीळो, कांईं करो सहेल्यूं ए,पीळा म्हारे बाबाजी रा बेस, सहेल्यू ए ओ तो राजा भीमसेन रो लाल ।।

धोळा जी धोळा, कांई करो सहेल्यूं ए. धोळा म्हारे बाबाजी रा दांत, सहेल्यूं ए, ओ तो राजा भीमसेन रो लाल।। पीळी जी पीळो, कांईं करो सहेल्यूं ए,पीळा म्हारे बाबाजी रा बेस, सहेल्यू ए ओ तो राजा भीमसेन रो लाल ।।

चालो नीं चालो, श्याम धणी रै द्वारां ए, करसी बाबो थारा बेड़ा पार,तो चालो नीं, चालो चालां बाबाजी रे द्वार,देस ढुण्ढारां राज करे है,
पूरण सब रा काज करे है, एकर तो चालो म्हारे साथ, तो चालो नीं, चालो चालां बाबाजी रै द्वार।