Kayi batau gadh Lanka ki,काई बताऊं गढ़ लंका की,balaji bhajan

महल देख्या गोरा गट,लोग लुगाई काला कट्ट।महल देख्या गोरा गट,लोग लुगाई काला कट्ट। बठे समदरियो हिलोरा लेवे म्हारा राम, काई बताऊं गढ़ लंका की।

होठ देख्या सीधा सट,पहरेदार नकर कट्ट। होठ देख्या सीधा सट,पहरेदार नकर कट्ट।महासु जाता ही लड़बा आगया म्हारा राम,काई बताऊं गढ़ लंका की।बठे समदरियो हिलोरा लेवे म्हारा राम, काई बताऊं गढ़ लंका की।

फौजा देखी लाखा बार,हाथी भर का छे मोट्ट्यार।फौजा देखी लाखा बार,हाथी भर का छे मोट्ट्यार।वाने मारवा में मजो घनों आयो म्हारा राम,काई बताऊं गढ़ लंका की।बठे समदरियो हिलोरा लेवे म्हारा राम, काई बताऊं गढ़ लंका की।

बैठयो बैठ्यो रटतो राम,विभीषण थो बिको नाम।बैठयो बैठ्यो रटतो राम,विभीषण थो बिको नाम। एडा महात्मा का दर्शन कार्यायो राम,काई बताऊं गढ़ लंका की।बठे समदरियो हिलोरा लेवे म्हारा राम, काई बताऊं गढ़ लंका की।

पाच्छे देखी सीता मात, बेगी ल्याओ जोडूं हाथ।पाच्छे देखी सीता मात, बेगी ल्याओ जोडूं हाथ।वांकी गोदी में मुंदडी पटक्यायो म्हारा राम,काई बताऊं गढ़ लंका की।बठे समदरियो हिलोरा लेवे म्हारा राम, काई बताऊं गढ़ लंका की।

रावण लिन्हो महल बुलाई,आग पूंछ में दियो लगाई।रावण लिन्हो महल बुलाई,आग पूंछ में दियो लगाई।सारी लंका ने राख करी आयो म्हारा राम,काई बताऊं गढ़ लंका की।बठे समदरियो हिलोरा लेवे म्हारा राम, काई बताऊं गढ़ लंका की।

वाह रे वाह बजरंगी वीर,गले लगा बोल्या रघुवीर।वाह रे वाह बजरंगी वीर,गले लगा बोल्या रघुवीर।हो नैया मालूणी की पार करी आयो म्हारा राम,काई बताऊं गढ़ लंका की।बठे समदरियो हिलोरा लेवे म्हारा राम, काई बताऊं गढ़ लंका की।

महल देख्या गोरा गट,लोग लुगाई काला कट्ट।महल देख्या गोरा गट,लोग लुगाई काला कट्ट। बठे समदरियो हिलोरा लेवे म्हारा राम, काई बताऊं गढ़ लंका की।