Aaw aaw Mari maat bhawani darsh dikhao ye,आव आव मारी मात भवानी दर्श दिखाओ ये,durga bhajan

आव आव मारी मात भवानी दर्श दिखाओ ये, शरणे आयो ये,शरणे आयो अर्जी लायो शरणे आयो ये।

मां दुर्गा ने चुनड सोवे लाल चुनरिया लायो ये,
नवदुर्गा को रुप सुहाणो लागे सवायो ये, शरणे आयो ये।आव आव मारी मात भवानी दर्श दिखाओ ये, शरणे आयो ये।

दुर्गा मां विराजे कलुट्य मंदिर मनडे भायो ये,
मंदिर सामे चोक रुपालो बाग सवायो ये, शरणे आयो ये।आव आव मारी मात भवानी दर्श दिखाओ ये, शरणे आयो ये।

बाझडली की गोद भरावे गोद्या लाल खलायो ये,
अर्जी पे मर्जी धर दूर्गा में कुल हर्षायो ये, शरणे आयो ये।आव आव मारी मात भवानी दर्श दिखाओ ये, शरणे आयो ये।

लकवा को मां रोग मिटावे वर दे मनछायो ये,
काया कंचन कर दे मायड़ कोढ़ मिटायो ये, शरणे आयो ये।आव आव मारी मात भवानी दर्श दिखाओ ये, शरणे आयो ये।

गांव कोचवा तहसील निम्बाडा जिला चित्तौड़ कहायो ये,
मुकेश जाटव गावै महिमा भजन बनायो, शरणे आयो ये।आव आव मारी मात भवानी दर्श दिखाओ ये, शरणे आयो ये।