Dekhi Jo Surat aapki Mane dujo ni aawe daay,देखी जो सुरत आपकी मने दुजो नी आवे दाय रे,guru bhajan

देखी जो सुरत आपकी,
मने दुजो नी आवे दाय रे,
देखी जो सूरत आपकी,
मने दुजो नी आयो दाय रे।।

चौरासी रो जिवड़ो चौरासी मे जाय रे,
दया करी गुरुदेव ने,
जातोड़ो री पकड़ी बाय रे,
देखी जो सूरत आपकी,
मने दुजो नी आयो दाय रे।।

बाय पकड़ बारे लियो,
गुरु गौदया मे बिठाए रे,
जड़ तो चेतन कर लियो,
गुरु प्रेम प्याला पाय रे,
देखी जो सूरत आपकी,
मने दुजो नी आयो दाय रे।।

पतिव्रता ने पियु मले,
बालक ने मिलगी माय रे,
भुखा ने भोजन मले,
ज्यु सतगुरु मलिया आय रे,
देखी जो सूरत आपकी,
मने दुजो नी आयो दाय रे।।

मान मन सतगुरु मिले,
चरणे ध्यान लगाए रे,
सिमरण तो निरभे भया,
दसवो सन्मुख पाय रे,
देखी जो सूरत आपकी,
मने दुजो नी आयो दाय रे।।

देखी जो सुरत आपकी,
मोने दुजो नी आवे दाय रे,
देखी जो सूरत आपकी,
मने दुजो नी आयो दाय रे।।