Categories
gangor geet

Ato Gera Gera birmadas ji ra chawa balam rasiya ,अतो गेरा गेरा बिरमां दास जी रा छावा बालम रसिया गेरो जी फूल गुलाब रो,gangor geet

अतो गेरा गेरा बिरमां दास जी रा छावा बालम रसिया गेरो जी फूल गुलाब रो।

अतो गेरा गेरा बिरमां दास जी रा छावा बालम रसिया गेरो जी फूल गुलाब रो।
अतो हीरा हीरा सूदरां बाई रा बीरा बालम रसिया,गेरो जी फूल गुलाब रो।


म्हे तो आई न गणगोरयां घुड़ला फेरां बालम रसिया।। गेरो जी फूल गुलाब रो।
म्हे तो मोत्यां री लड़ धड़ स्यू घुड़ला फेरा बालम रसिया।गेरो जी फूल गुलाब रो ।

म्हे तो सोना री सांकल स्यू घुड़ला फेरा बालम रसिया ।गेरो जी फूल गुलाब रो।
थे तो आई न गणगौरया बेगा आवो बालम रसिया ।गेरो जी फूल गुलाब रो।

म्हारो कागजीया स्यू जीव क्यू जलावो बालम रसिया ।गेरो जी फूल गुलाब रो
म्हे तो घणां ई उडीक्या अब घर आवो बालम रसिया। गेरो जी फूल गुलाब रो।



थांरी एडी र घमड़क धरती धूज बालम रसिया।
गेरो जी फूल गुलाब रो
थे तो राज गढ़ री गलीयां धीमां चालो बालम रसिया।गेरो जी फूल गुलाब रो।

थांरी बोलतां री चलगत प्यारी लाग बालम रसिया । गेरो जी फूल गुलाब रो ।
यांरी बोलतां बत्तीसी प्यारी लाग बालम रसिया। गेरो जी फूल गुलाब रो।



म्हारी हथेली फरूक रूपीया ल्यावो बालम रसिया। गेरो जी फूल गुलाब रो ।
म्हारी जीभड़ली फरूक मीठो ल्यावो बालम रसिया। गेरो जी फूल गुलाब रो ।



म्हारी आंगली फरूक बींटी ल्यावो बालम रसिया।गेरो जी ‘फूल गुलाब ‘रो।
थे तो कोड़ी री मिठाई ओडी, ल्यावो बालम रसिया ।गेरो जी फूल गुलाब रो।

म्हान भासी जितरी खांस्या, ओर लुटास्यां, बालम रसिया। गेरो जी फूल गुलाब रो।
म्हार माथा मं मेमद ल्यावो बालम रसिया। गेरो जी फूल गुलाब रो।



म्हांर गल में हारज ल्यावो बालम रसिया। गेरो जी फूल गुलाब रो।
म्हे तो पेर सिधारा गणगोरयां बालम रसिया । गेरो जी फूल गुलाब रो।



थांन सारो ही शहर सराव बालम रसिया।
गेरो जी फूल गुलाब रो

नोट : (सभी बाप, बेटा और बेहना का नाम लेव)

Leave a comment