बन्नो म्हारो शंकर भोलेनाथ, बनी म्हारी गवरा लाडली ।।
बराती शिवजी गजब का लाया ओ, देवता सभी रूप धर आया ओ, ओ उल्टे बेल बैठ कर आया, बन्नी म्हारी गवरा लाडली ।।बन्नो म्हारो शंकर भोलेनाथ, बनी म्हारी गवरा लाडली ।।
ये भुतडा भारी उधम मचाया रे, जोगणिया गेरा नाच दिखाया,संकणीया डाकणीया संग लाया,
बनी म्हारी गवरा लाडली ।।बन्नो म्हारो शंकर भोलेनाथ, बनी म्हारी गवरा लाडली ।।
बाजा शंख बाजरीयो बांखीयो, बिच्छू साप गला में नाकियो, गांव का देख देख सरमाया, बन्नी म्हारी गवरा लाडली ।।बन्नो म्हारो शंकर भोलेनाथ, बनी म्हारी गवरा लाडली ।।
जोगी सब जान्या बण आया, संग में चिमटा खप्पर लाया, धोरे आकर अलख जगाया, बनी म्हारी गवरा लाडली ।।बन्नो म्हारो शंकर भोलेनाथ, बनी म्हारी गवरा लाडली ।।
हिमाचल ब्याव रचायो भारी, परण रही पार्वती वा प्यारी, शिवजी आया वर राजा, इंदर गण बजारीया बाजा ।।बनी म्हारी गवरा लाडली।बन्नो म्हारो शंकर भोलेनाथ, बनी म्हारी गवरा लाडली ।।
सासु मूर्छित वे बण जावे, बामण चवरी छोड़ भग जावे, भोला शिव तोरण उपर आये, बन्नी म्हारी गवरा लाडली ।।बन्नो म्हारो शंकर भोलेनाथ, बनी म्हारी गवरा लाडली ।।
नारद शिवजी ने समजावे, सुंदर रूप भोला जी धरावे, जगदीश भंवर सेमा गावे, बनी म्हारी गवरा लाडली ।।बन्नो म्हारो शंकर भोलेनाथ, बन्नी म्हारी गवरा लाडली ।।