घड़लो घड़े पर टोकणी ये
घड़लो घड़े पर टोकणी ये
ऐ माई मेरी गयी गयी समंद तळाब
ऐ माई मेरी गयी गयी समंद तळाब
कुवे पर ऐकली ये,कुवे पर ऐकली ये।
घड़लो तो डूबे ना टोकणी ये
घड़लो तो डूबे ना टोकणी ये
ऐ माई मेरी इण्डुणी तो तीर तीर जाय
ऐ माई मेरी इण्डुणी तो तीर तीर जाय।
कुवे पर ऐकली ये,कुवे पर ऐकली ये।
नणद भोजाई पाणी निशरी ये
ऐ माई मेरी गयी गयी समंद तळाब
कुवे पर ऐकली ये,कुवे पर ऐकली य।
भोजाई भर पाछी बावड़ी ये
ऐ माई मेरी नणदुली ने मिल गयो श्याम
कुवे पर ऐकली ये।
जल है तो जाणे हाळा चौखड़ा
आरे म्हारो भरियो तो घड़लो उठाय
कुवे पर ऐकली ये,कुवे पर ऐकली ये।
भरियो तो घड़लो उठाव स्यां ये
गोरि ये एक तू बात बताये कुवे पर ऐकली ये।
रात घणी हड कावणी ये
गोरी ये देय दियो पीव छिटकाय ,कुवे पर ऐकली ये।कुवे पर ऐकली ये।
रात घणी हड कावणी ये, छैलां म्हारो परण्यो बस है प्रदेश ,कुवे पर ऐकली ये।
उण के तो आया छैलां पावणा ये
छैलां कुण जी रा आया लणिहार
कुवे पर ऐकली ये।कुवे पर ऐकली ये।
सुसरोजी रे आया गोरी पावणा ये
गोरी ये थारा तो आया लणिहार ,कुवे पर ऐकली ये।कुवे पर ऐकली ये।