Anjan ki siti me mharo man dole,अंजन की सीटी में म्हारो मन डोले,

चला चला रे डराईवर गाड़ी हौले होले।अंजन की सीटी में म्हारो मन डोले
चला चला रे डराईवर गाड़ी हौले होले।अंजन की सीटी में म्हारो मन डोले

बीजळी को पंखो चाले, गूंज रयो जण भोरो।
बैठी रेल में जाबा लाग्यो वो जाटां को छोरो
चला चला रे,चला चला रे डराईवर गाड़ी हौले होले।अंजन की सीटी में म्हारो मन डोले।

डूंगर भागे, नंदी भागे और भागे खेत,
ढांडा की तो टोली भागे, उड़े रेत ही रेत
चला चला रे,चला चला रे डराईवर गाड़ी हौले होले।अंजन की सीटी में म्हारो मन डोले।

बड़ी जोर को चाले अंजन, देवे ज़ोर की सीटी।
डब्बा डब्बा घूमरयो टोप वारो टी टी
चला चला रे,चला चला रे डराईवर गाड़ी हौले होले।अंजन की सीटी में म्हारो मन डोले।

जयपुर से जद गाड़ी चाली मैं बैठी थी सूधी।
असी जोर को धक्का लाग्यो जद मैं पड़ गयी उँधी।
चला चला रे,चला चला रे डराईवर गाड़ी हौले होले।अंजन की सीटी में म्हारो मन डोले।