फागण आयो रे सांवरिया, थारी याद सतावे रे,
फागण आयो रे, याद सतावे नींद ना आवे,
मन भरमावे रै, फागण आयो रे।
भगता पग घुंघरिया बांध्या, नाचे हो मतवाला रे,
मन को मोर उड़ खाटू आवे,
मन को मोर उड़ खाटू आवे,
जद सुख पावे रै, फागण आयो रे।
श्याम रंग में रंगी धमाला, और रंग नहीं भावे रे,
चंगा ऊपर थाप थाप में,
श्याम मनावे रै, फागण आयो रे।
रंग बिरंगी उड़े गुलालां, चेतन रस बरसावे रे,
चंपा फाग श्याम संग खेलूँ, चंपा फाग श्याम संग खेलूँ,
भव तर जाए रै, फागण आयो रे।
फागण आयो रे सांवरिया, थारी याद सतावे रे,
फागण आयो रे, याद सतावे नींद ना आवे,मन भरमावे रै, फागण आयो रे।