शिव ने पार्वता दोन्यु पोढिया महादेवजी। गवरा डोले बाल, हर हर बोलो महादेव ।हर हर बोलो महादेव ।
शिव सु पारवता करियो रुस्नो महादेव जी।अरे धोलिया बागा में जाय,हर हर बोलो महादेव ।हर हर बोलो महादेव ।
नारायण जी तो आया थारे पावणा पार्वता, क्यों थारा बिलखे नैन,हर हर बोलो महादेव ।हर हर बोलो महादेव ।
क्यूं ओ पारवता उमना धूमना माताजी,क्यों थारा बिलखे नैन,हर हर बोलो महादेव ।हर हर बोलो महादेव ।
म्हारा ओ महादेव जी करियो रुस्णो नारद जी। यूं म्हारा बिलख्या नैन।हर हर बोलो महादेव ।हर हर बोलो महादेव ।
हार मणि नो यो पड़यो ले लो ओ माताजी,नगर भुलावन जाए।हर हर बोलो महादेव ।हर हर बोलो महादेव ।
भीलनी रो टोक्यो हुनियों ओ महादेव जी,पलका री नींद उड़ाए।हर हर बोलो महादेव ।हर हर बोलो महादेव ।
महारो तो मनडो मोयो ये भीलनी,रहता हो तो रहो दिन चार।हर हर बोलो महादेव ।हर हर बोलो महादेव ।
महारो तो भिलडो कोढियो महादेव जी,कोढ़ाओ तो रहूं दिन चार,हर हर बोलो महादेव ।हर हर बोलो महादेव ।
महारो तो भिलड़ो नाचनो महादेव जी। नचावो तो रहूं दिन चार।हर हर बोलो महादेव ।हर हर बोलो महादेव ।
महारो तो भिलड़ो पुठडो महादेव जी। थारो मारो मन हरसाय। हर हर बोलो महादेव ।हर हर बोलो महादेव ।
म्हारी ये जटा में थाने राखल्यु ये भीलनी, एड़ी कांयी चिंता आली बात।हर हर बोलो महादेव ।हर हर बोलो महादेव ।
किना की रे काई जोड़ी करी ये भीलनी। किनों राखे कई घर नार।हर हर बोलो महादेव ।हर हर बोलो महादेव ।
हेमाजल री काई जोड़ी करी महादेव जी,शिव शंकर घर नार।हर हर बोलो महादेव ।हर हर बोलो महादेव ।
हाथ जोड़ ने विनती करूं महादेव जी।दर्शन देवो थे तो आय।हर हर बोलो महादेव ।हर हर बोलो महादेव ।