आज म्हारे कानूडा रे काई होयो, आज म्हारे कानूडा रे काँई होयो ।
इण ने किण री निजरां लागी ओ, आज म्हारे कानूड़ा रे काँई होयो ।
लूण कराऊँ ई रे मिर्ची कराऊँ, कोई झाड़ागर बुलवाऊँ रे । आडो लेवू इण ने उभो रे लेवू, कोई गोदया में हुलराऊँ ओ ।।आज म्हारे कानूडा रे काई होयो, आज म्हारे कानूडा रे काँई होयो ।
कानूड़ा ने लेय म्हें बागां में गई थी, कोई माळी जी री निजरां लागी ओ। आज म्हारे कानूडा रे काँई होयो ।
कानूड़ा ने लेय म्हें तो पिनघट गई थी, पिणहारियों री निजरां लागी ओ ॥ आज म्हारे कानूडा रे काँई होयो ।
कानूडा ने लेय म्हें तो चोवटिये गई थी,
चौरास्यों री निजरां लागी ओ।
आज म्हारे कानूड़ा रे काँई होयो ॥
कानूड़ा ने लेय म्हें तो सतसंग गई थी, कोई साळगजी री निजरां लागी ओ।आज म्हारे कानूड़ा रे काँई होयो ।
कानूड़ा ‘ने लेय म्हें तो जोशी रे गई थी, इण ने जोशीजी री निजरा लागी ओ।आज म्हारे कानूडा रे काई होयो, आज म्हारे कानूडा रे काँई होयो ।
म्हें चन्द्र सखी रीअरज वीणति, म्हारे भवजळ पार उतारो ओ ।। आज म्हारे कानूड़ारे काँई होयो ॥
Naye Naye Bhajan Lyrics 
