Manwa nahi bichari re,मनवा नहीं विचारी रे ।थारी म्हारी करतां ऊमर ,बीती सारी रे

मनवा नहीं विचारी रे ,
मनवा नहीं विचारी रे ।
थारी म्हारी करतां ऊमर ,
बीती सारी रे ।।

गरभवास में रक्षा कीनी ,
सदा बिहारी रे ।
बाहर भेजो नाथ भगती ,
करस्यूं थारी रे ॥
मनवा नहीं विचारी रे ,
मनवा नहीं विचारी रे ।
थारी म्हारी करतां ऊमर ,
बीती सारी रे ।।

बालपणे में लाड लडायो ,
माता थारी रे ।
तरूण भयो जब लागे घर की ,
तिरिया प्यारी रे ॥
मनवा नहीं विचारी रे ,
मनवा नहीं विचारी रे ।
थारी म्हारी करतां ऊमर ,
बीती सारी रे ।।

पाछे तू माया में लिपट्यो ,
जुड़े संजारी रे ।
कोड़ी – कोड़ी खातिर लेतो ,
राड़ उधारी रे ।।
मनवा नहीं विचारी रे ,
मनवा नहीं विचारी रे ।
थारी म्हारी करतां ऊमर ,
बीती सारी रे ।।

जो कोई बोले बात ज्ञान की ,
लागे खारी रे ।
जो कोई बोले भजन हरि रस ,
देतो गाली रे ।।
मनवा नहीं विचारी रे ,
मनवा नहीं विचारी रे ।
थारी म्हारी करतां ऊमर ,
बीती सारी रे ।।

वृद्ध भयो जब कहन लगी !,
घर की नारी रे ।
कब मरसी ओ डैण छूटे ,
गैल हमारी रे ॥
मनवा नहीं विचारी रे ,
मनवा नहीं विचारी रे ।
थारी म्हारी करतां ऊमर ,
बीती सारी रे ।।

रुक गये कण्ठ दशों दरवाजा ,
मच गई ध्यारी रे ।
पूंजी थी सो भई बिरानी ,
भयो भिखारी रे ।।
मनवा नहीं विचारी रे ,
मनवा नहीं विचारी रे ।
थारी म्हारी करतां ऊमर ,
बीती सारी रे ।।

कालूराम जी सीख दई सो ,
लागी खारी रे ।
अब चौरासी भुगतो बन्दा ,
करणी थारी रे ॥
मनवा नहीं विचारी रे ,
मनवा नहीं विचारी रे ।
थारी म्हारी करतां ऊमर ,
बीती सारी रे ।।