Mhari kaya ra karigar saheba uba rijo ji,म्हारी काया रा कारीगर साहेबा ऊबा रीजो जी,

म्हारी काया रा कारीगर साहेबा ऊबा रीजो जी।

है ऊबा रीजो रे थमने हेलो दुंवा रे थोड़ो झालो दुंवां रे ।

म्हारी काया रा कारीगर साहेबा ऊबा रीजो रे।



हां हां पेला युगा में राजा प्रहलाद नै तार्या रे।
हां हिरणाकुश ये गर्भ करियो खंब तोड़ी दर्शन दिया रे
म्हारी काया रा कारीगर साहेबा ऊबा रीजो रे।



हां हां दशरथ घर अवतार लिया ने कोशल्या ने तारी रे।
हां कैकेई ने तो ऐसी तारी अमर करग्या रे ।
म्हारी काया रा कारीगर साहेबा ऊबा रीजो रे।



हां हां वासुदेव घर जनम लिया ने देवकी ने तारी रे ।
हां यशोदा ने ऐसी तारी गोदी खेलग्या रे।
म्हारी काया रा कारीगर साहेबा ऊबा रीजो रे।



हां हां कौरव पांडव युद्ध मचीया महाभारत का माहि रे।
हां द्रोपती नो चीर तार्यो दुशासन खेंच हार्यो रे।
म्हारी काया रा कारीगर साहेबा ऊबा रीजो रे।



हां हां जमुना तट पर गेंद खेले गुवालो के संग रे।
हां गेंद खेलत जल में कुदिया नाग मथीलाया रे।
म्हारी काया रा कारीगर साहेबा ऊबा रीजो रे।



दोईकर जोड़े मीरा बोली पाया बेकुंठ वास ये।
हां मीरा ने तो गिरधर मिलग्या अमर करग्या रे।
म्हारी काया रा कारीगर साहेबा ऊबा रीजो रे।