Sun mara suwa bira re baitho aamula ki daal boli re thari mithi lage,सुण मारा सुवा बीरा रे।बैठो आमुला री डाल ,बोली रे थारी मीठी लागे रे,nani Bai bhajan

सुण मारा सुवा बीरा रे।
बैठो आमुला री डाल ,
बोली रे थारी मीठी लागे रे।

मारी नानी बाई ए।
अतरो कई थारे काम ,
कुबेळिया थू सरवर आई ये।

मारा सुवा बीरा रे।
जनमत मरगी माई।
बाप मारो साधु वे ग्यो रे।

मारा सुवा बीरा रे।
कुणी तो बंधावे माने धीर ,
कुणी तो मारे मायरो भरेला रे।

मारा सुवा बीरा रे।
लागी सरवरिया री पाल ,
सागर में डूब मरुला रे।

मारी नानी बाई ए।
हिवड़ा में धीरज बँधाय ,
सांवरियो बीरो आबा वाळो रे।

मारा सुवा बीरा रे।
सासु जी बोले माने बोल ,
नाराणियो देवर टोसा मारे रे।

मारी नानी बाई ए।
हिवड़ा में धीरज बँधाय ,
सांवरियो बीरो आबा वाळो रे।

मारा सुवा बीरा रे।
नंदल बोले माने बोल ,
नंदल माने टोसा मारे रे।

मारी नानी बाई ए।
झीणी झीणी उड़े ये गुलाल ,
घोडा का घेवर बाजे रे।

मारा सुवा बीरा रे।
राधा रूकमण आय ,
सवांरियो बीरो आतो दिखे रे।

मारा सुवा बीरा रे।
राधा रूकमण आय ,
सवांरियो बीरो भात भरायो रे।

सुण मारा सुवा बीरा रे।
बैठो आमुला री डाल ,
बोली रे थारी मीठी लागे रे।