थारा रेशमी दुपट्टा किन धोया जी बन्ना,
थे तो कोन्या जी रे महल सुखाया जी बन्ना।
म्हारा रेशमी दुपट्टा धोबी धोया ए बन्नी,
म्हे तो धोबनती रै महल सुखाया ए बन्नी,
थे तो धोबन जी रा, आना जाना छोड़ो जी बन्ना,
म्हे तो परै नै परदेस चली जाऊँ जी बन्ना।
थे तो परै नै परदेस चली जाओ ए बन्नी,
म्हे तो कोरा-कोरा कागजिया लिख भेजां जी बन्नी।
थे तो कोरा-कोरा कागजिया लिख भेजो जी बन्ना।
म्हे तो जल की मछलीयाँ बन जावां ए बन्ना,
थे तो ताला मार कूंची क्यों नहीं ल्याया जी बन्ना।
थे तो घर रखवाली किन छोड्या जी बन्ना।
म्हे तो ताला मार कूंची कोनी ल्याया ए बन्नी,
म्हे तो घर रखवाली दादी छोड़ी ए बन्नी,
म्हे तो घर रखवाली ताई छोड़ी ए बन्नी।
थारी दादी जी रा क्या रे भरोसा जी बन्ना।
वो तो खावै ए लुटावै फौरी लावै जी बन्ना।
(अम्मा, चाची, बुआ, बाई, भाभी, मौसी)