Teri leyi pariksha gorakh tu Paras se Kati Kam Konya,तेरी लेई परीक्षा गोरख तू पारस से कती कम कोन्या,

तेरी लेई परीक्षा गोरख
तू पारस से कती कम कोन्या
तेरा जैसा शिष्य मिला स
आज मन्ने कोई गम कोन्या
तेरी लेई परीक्षा गोरख
तू पारस से कती कम कोन्या
तेरा जैसा शिष्य मिला स
आज मन्ने कोई गम कोन्या।

भई मैंने सोने का के करणा स
तू मेरे संग में के डरना स।
मैंने तप जप करणा स
रोक सके कोई दम कोन्या,
तेरा जैसा शिष्य मिला स
आज मन्ने कोई गम कोन्या।
तेरी लेई परीक्षा गोरख
तू पारस से कती कम कोन्या।

सच गोरख तू पारस कैसा,
धरती के पर पावे ना ऐसा
तू चावे होता जैसा
उलटे लखण में हम कोन्या
तेरा जैसा शिष्य मिला स
आज मन्ने कोई गम कोन्या
तेरी लेई परीक्षा गोरख
तू पारस से कती कम कोन्या।

लेई परीक्षा विद्या की तेरी
प्रशन्न होगी आत्मा मेरी
भंडारे की हो ना देरी
टाल सब करम कोन्या
तेरा जैसा शिष्य मिला स
आज मन्ने कोई गम कोन्या।

तेरी लेई परीक्षा गोरख
तू पारस से कती कम कोन्या,
तेरा जैसा शिष्य मिला स
आज मन्ने कोई गम कोन्या।