बाबा रामदेव जी ओ थाने खम्मा घणी। अजमाल जी रा कंवरा थाने,खम्मा घणी।
क्षीर सागर में अजमल जी ने, धणिया दिन्हों थे वरदान जी।मास भादुवा री तीज चानन ने,आऊंला राखण थारो मान जी।🌹🌹🌹 धरा पिछम सूं आय पधारया,बालक बनकर आप जी। पाणी रो तो दूध बनगयों,मांड्या कुं कुं रा पगलया आप जी।🌹🌹🌹🌹रणछोड़ रा अवतार थाने खम्मा घणी।
बाबा रामदेव जी ओ थाने खम्मा घणी। अजमाल जी रा कंवरा थाने,खम्मा घणी।
मक्का सूं मिल पीर पधार्या,बनकर रामा पीर। कहे रामदेव आओ पिरां,जीमो मीठी खीर।🌹🌹🌹🌹🌹🌹🌹🌹🌹🌹🌹बोल्या पीर कटोरा म्हारा, रहगया मक्का मदीना।देवे कटोरा म्हारा महे, जद थारे घर जिमां।🌹🌹🌹🌹🌹🌹🌹🌹🌹🌹तुरत रामदेव भुजा पसारी,पर्चो पीरा ने दियो आप जी।पलक झपकता आया कटोरा,पाच्छे पीर जिम्या धाप जी।🌹🌹 पीर बोल्या महे तो पीर हां, पिरां रा पीर हो थे बाप जी।जातपात रो भेद मिटायो,कोई ना ऊंचो कोई नीच जी। 🌹🌹🌹🌹🌹दुष्टां ने तो मार भगावण,आया भक्तों रे बीच जी।थे तो पिरां रा हो पीर थाने खम्मा घणी।
बाबा रामदेव जी ओ थाने खम्मा घणी। अजमाल जी रा कंवरा थाने,खम्मा घणी।
लांछा बाई रो ब्याह रचायो, दायिजे दिनहों आधो राज जी।आप बसाया गांव रुणिचे, जाग्या जुं राणा रा भाग जी।🌹🌹🌹🌹बाई सुगना रो पुत जिवायो, बणिया री तारी तारी जहाज जी।भगतां रा हो थे रखवाला,महिमा रो पायो कोनी पार जी।🌹थे हो भगतां रा आधार थाने,खम्मा घणी।
बाबा रामदेव जी ओ थाने खम्मा घणी। अजमाल जी रा कंवरा थाने,खम्मा घणी।
दलजी सोढ़ा रे घर में, बेटी जन्मी नेतल दे बाई पांगली। सपने में बाबा मिला रामदेव, पगा चलाई पकड़ आंगली।🌹🌹🌹🌹बोली परनूं तो रामदेव, जद म्हारो सपनो बेला सांच जी। जद बिंद राजा बन्या रामदेव, राखी नेतल री थे तो लाज जी। पगाँ चलाई पकड़ आंगली, नेतल रो सपनो करियों सांच जी।🌹🌹🌹🌹🌹🌹🌹नेतल दे रा भरतार थाने खम्मा घणी।
बाबा रामदेव जी ओ थाने खम्मा घणी। अजमाल जी रा कंवरा थाने,खम्मा घणी।
पिचरांगी पाग माथे, तुरो किलंगी।कमर बंधयोडी तलवार जी। ढाल पीठ पर हाथ में भालो,लीले घोड़े असवार जी।🌹🌹🌹 लाछा सुगना करे आरती, चंवर ढुलावे हरजी आपरा।डाली बाई नाचे गावे ले ले तंदूरो हर जस आपरो।🌹🌹🌹🌹🌹🌹थे हो कल्जुग रा भगवान थाने,खम्मा घणी।
बाबा रामदेव जी ओ थाने खम्मा घणी। अजमाल जी रा कंवरा थाने,खम्मा घणी।
कांई महे गावां महिमा थारी,महिमा रो पायो कोनी पार जी। कारज थे सारों,पार उतारो,गिरता पड़ता ने लिज्यो,थाम जी।थारा यश गावे नर नार,पूजे थाने सब संसार,बाबा रखो म्हारी लाज, थाने खम्मा घणी।
बाबा रामदेव जी ओ थाने खम्मा घणी। अजमाल जी रा कंवरा थाने,खम्मा घणी।
