Krishna bhajan,o ho ghadwa de mera shyam bajanti bangdi, ओ हो घड़वादे मेरा श्याम बाजंती बंगड़ी

ओ हो घड़वादे मेरा श्याम, बाजंती बंगड़ी,घड़वादे रे।२।

कुंवे पर जाऊं तो बंगड़ी, रुनझुन रुनझुन बाजे रे।२।घडलो भरूं तो,गरनावे बंगड़ी।घड़वादे रे।

बागा में जाऊं तो बंगड़ी, रुनझुन रुनझुन बाजे रे।२ फुल्डा तोड़ूं तो,गरनावे बंगड़ी।घड़वादे रे।

रसोईयां में जाऊं तो बंगड़ी, रुनझुन रुनझुन बाजे रे।२। फलको बेलूं तो गरनावे बंगड़ी।घड़वादे रे।

मंदिरिये में जाऊं तो बंगड़ी, रुनझुन रुनझुन बाजे रे।२।पूजा करूं तो गरनावे बंगड़ी।घड़वादे रे।

महलां में जाऊं तो बंगड़ी, रुनझुन रुनझुन बाजे रे।२। सेजा चढ़ूं तो गरनावे बंगड़ी।घड़वादे रे।

चंद्र मुखी भज बाल कृष्ण छबि,हरी के चरणों में चित्त ल्याऊं बंगड़ी।घड़वादे रे।