Mhara harya ye jawara ye gihu lal siras badhya,म्हारा हर्या ए झुंवारा ए गिहूँला सिरस बध्या,gangor geet

म्हारा हर्या ए झुंवारा ए,गिहूँला सिरस बध्या।गोर ईसरदास का बाया ए, बहू गोरल सींच लिया।गोर कानीराम का बाया ए, बहू लाडल सीच लिया।भाभी सींचन जाणो ए, जो पीला पड़ ए गया।

बाई जी दो घर सींचा ए, लाम्बा तीखा सिर स बध्या।म्हारो सरस पटोलो ए, बाई रोवां पैर लियो।गज मोतिडारो हार एक, बाई रोवां पैर लियो।म्हारो दांता खेलो चुड़लो ए, बाई रोवां पैर लियो।

म्हारो बोरंग चूनड़ ए, बाई रोवां ओढ़ लेई।म्हारो दूध भरयो कटोरो ए, बाई रोवां पीय लियो। बिरो थे अजरावल ए, होजो बुड़ा डोकरा।भाभी सेजां म सोवो ए, पीली पाट्या राज करो।म्हारा हर्या ए झुंवारा ए, गिहूँला सिर स बध्या।