Naina walo kajaliyo ,नैना वालों काजलियो बनाए एजी काजलियो बनाए,shyam bhajan

तर्ज, चाली बाई सासरिए

नैना वालों काजलियो बनाए, एजी काजलियो बनाए, थाणे राखा म्हारा सांवरा जी बाबा श्याम।

थारे संग म्हारी प्रीत लगी है प्रीत निभा दे सांवरिया। मन रसिया हो मन बसिया।

थारे से म्हारी पहलयां री पिछान, एजी पहलयां री पिछान। म्हाने किस विध भूलया सांवरा जी बाबा श्याम। मोर मुकुट सिर कुंडल सोहे कान, एजी कुंडल सोहे कान। थारा नैन रसीला सांवरा जी बाबा श्याम।

केसरिया थारो बागो घेर घुमेर, एजी थारो बागो घेर घुमेर, थारी ओलयूं आवे सांवरा जी बाबा श्याम। खीर चूरमो नारेला बौछार, एजी नारेला बौछार, थारा सेवक आवे चाव सु जी बाबा श्याम।थारा सेवक आवे चाव सु जी बाबा श्याम।

काशीराम संवारो सारा काज, एजी संवारो सारा काज। म्हारी पिड़ बटाओ, सांवरा जी बाबा श्याम।काशीराम संवारो सारा काज, एजी संवारो सारा काज। म्हारी पिड़ बटाओ, सांवरा जी बाबा श्याम।