जावा दो सहेलियां म्हाने,शिवजी लडेला ये,
जावा दो सहेलियां माने,औ शिवजी लडेला ये,
मासु राड तो करेला ये,जावा दो सहेलियां माने।।
चिलम बनाई आई,भांग में घोटाई आई।चिलम बनाई आई,भांग में घोटाई आई,
पिवण की वैला,पिवण की वैला,
शिव याद तो करेला ये,जावा दो सहेलियां माने,
शिवजी लडेला ये।।
भोजन बणाई आई,थाली में परोस आई।भोजन बणाई आई,थाली में परोस आई।
जीमण की वैला,जीमण की वैला,
पिवजी याद तो करेला ये,
जावा दो सहेलियां माने,शिवजी लडेला ये।।
हरीयो हरीयो गास लाइ,नांदीया ने डाल आई।हरीयो हरीयो गास लाइ,नांदीया ने डाल आई।
घूमने की वैला,घूमने की वैला,
शिव जी याद तो करेला ये,
जावा दो सहेलियां माने,शिवजी लडेला ये।।
ढोलीयो में ढाल आई, सेज बिछाई आई।ढोलीयो में ढाल आई, सेज बिछाई आई।
पोडन की वैला,पोडन की वैला,
शिव जी याद तो करेला ये,
जावा दो सहेलियां माने,शिवजी लडेला ये।।
कैवै गवरा पार्वती,शुणो ये सहेलियां मारी।कैवै गवरा पार्वती,शुणो ये सहेलियां मारी।
शिव जी बीना कोई,शिव जी बीना कोई,
काम नहीं चालेला ये,जावा दो सहेलियां माने,
शिवजी लडेला ये।।
जावा दो सहेलियां म्हाने,शिवजी लडेला ये,
जावा दो सहेलियां माने,औ शिवजी लडेला ये,
मासु राड तो करेला ये,जावा दो सहेलियां माने।।
Naye Naye Bhajan Lyrics 