Oji mhari sahelya jowe baat bhawar mhane khelan do gangor,ओजी म्हारी सहेल्यां जोवे बाट भंवर म्हांने खेलण द्यों गणगौर,gangor geet

ओजी म्हारी सहेल्यां जोवे बाट, भंवर म्हांने खेलण द्यों गणगौर।
खेलण द्यो गणगौर-गणगौर, भंवर म्हांने निरखण द्यो गणगौर
जी म्हांरी सहेल्यां जोवे बाट, भंवर म्हांने खेलण द्यों गणगौर।

के दिन की गणगौर, सुन्दर थांने कतरा दिन को चाव।सोळा दिन की गणगौर, भंवर म्हांने सोळा दिन को चाव,ओजी म्हांरी सहेल्यां जोवे बाट, भंवर म्हांने खेलण द्यों गणगौर।

सहेळ्यां ने ऊभी राखो, सुन्दरी थांकी सहेळ्यां ने ऊभी राखो।
जी थांकी सहेळ्यां ने दोवंण गोट, सुन्दरी थाने खेळणं दां गणगौर।
खेलण द्यो गणगौर जोवे बाट, भंवर म्हांने खेलण द्यों गणगौर।