गुजरिया पकड़ो हाथ छुड़ावे दीनानाथ।गुजरिया पकड़ो हाथ छुड़ावे दीनानाथ। अरे साची बात बता दे रे कान्हा कुन कुन आयो साथ।गुजरिया पकड़ो हाथ छुड़ावे दीनानाथ।
मैं तो म्हारे घर में सुत्यो ग्वाला आय जगायो। मने तो पोली में बैठायो मनसुख माखन खायो।छींका तानी कईयां पहुंचु छोटा म्हारा हाथ।गुजरिया पकड़ो हाथ छुड़ावे दीनानाथ।गुजरिया पकड़ो हाथ छुड़ावे दीनानाथ।
हल्ला गुल्ला करे गुजरी सखियन आय जगाई।रस्सी से तो हाथ बांधकर यशोदा कनी लाइ। तु तो साहूकार बनयो है पकड़ो रखियो हाथ।गुजरिया पकड़ो हाथ छुड़ावे दीनानाथ।गुजरिया पकड़ो हाथ छुड़ावे दीनानाथ।
हंस कर बोली माता यशोदा यो नहीं मारो लालो। पल्लो उघाड़यो देखन लागी बैठ्यो दाढ़ी वालो। तु तो पकड़यो हो म्हारे कंवर ने यो थारो भरतार।गुजरिया पकड़ो हाथ छुड़ावे दीनानाथ।गुजरिया पकड़ो हाथ छुड़ावे दीनानाथ।
गज गज भर का काढा घुंघटा गुजरिया शर्माई। धन धन है नंद जी का लाला देखी थारी सकलाइ।सब सखियां मिल कहवा लागी जोड़ा दोनू हाथ।गुजरिया पकड़ो हाथ छुड़ावे दीनानाथ।गुजरिया पकड़ो हाथ छुड़ावे दीनानाथ।
Naye Naye Bhajan Lyrics 