Kaiya sarsi shyam thari naraji na bhawe ji,कइयाँ सरसी श्याम थारी नाराज़ी ना भावे जी,shyam bhajan

कइयाँ सरसी श्याम,
थारी नाराज़ी ना भावे जी,
म्हारो काळजो दुख पावे जी,
चुपचाप क्यूँ बैठाया,
कुछ बोलो तो बाबा,
टाबरिया रोवे है,
आसूडा ढलक रया,
थारा सेवकिया इब तो,
प्रभु धीरज खोवे है,
बाबा थारी ही म्हाने ओल्यू,
पल पल आवे जी,
म्हारो काळजो दुख पावे जी,
कइयाँ सरसी श्याम,
थारी नाराज़ी ना भावे जी।

कमजोर दिल म्हारो,
घायल है बेचारो,
आँसू के छानी है,
म्हे गलती पर गलती,
करता रवा बाबा,
या म्हारी नादानी है,
थारी नाराज़ी म्हाने,
भोत ही सतावे जी,
कइयाँ सरसी श्याम,
थारी नाराज़ी ना भावे जी।

राजी रहोला थे,
तो बिगड़ी बण जावे,
दया थोड़ी दिखला वो,
चोखानी संग बैठ्या,
म्हे अरज गुजारा जी,
म्हाने थे अपणा ल्यो,
गौतम भजणा सूँ,
थाने आज रिझावे जी,
म्हारो काळजो दुख पावे जी,
कइयाँ सरसी श्याम,
थारी नाराज़ी ना भावे जी।

कइयाँ सरसी श्याम,
थारी नाराज़ी ना भावे जी,
म्हारो काळजो दुख पावे जी,
कइयाँ सरसी श्याम,
थारी नाराज़ी ना भावे जी।