Aiso datar kathe dekhyo na sunyo ji,ऐसो दातार कठे देख्यो ना सुण्यो जी,shyam bhajan

तर्ज : आओ जी आओ म्हारा हिवड़े रा पावण

ऐसो दातार कठे देख्यो ना सुण्यो जी-२,
शरणे पड़यां को बाबो काम बणावे जी,
आने जो ध्यावे बोतो मौज उड़ावे जी,
ऐसो दातार कठे देख्यो ना सुण्यो जी ।।

निज भगतां पर, भीड़ पड़े तो, झट से उबारे म्हारो, श्याम धणी,
दर आये की, आस पुरावे, दर पे जो लेके जावे, आस घणी,
ऐसो दातार कठे देख्यो ना सुण्यो जी ।।

आंधलियां ने, आँख्या देवे, पागंलिया ने देवे, टांगड़ली,
निर्धणिया, ने, दौलत देवे, बेटो पावे अठे, बाँझड़ली,
ऐसो दातार कठे देख्यो ना सुण्यो जी ।।

‘हर्ष” सुमिर ले, कान्हूड़े ने, घर भर देसी तेरो, नटवरियो,
द बिन वोल्यां ही निज भगतां की, पीड़ पिछाणे म्हारो, सांवरियो,
ऐसो दातार कठे देख्यो ना सुण्यो जी ।।

ऐसो दातार कठे देख्यो ना सुण्यो जी-२,
शरणे पड़यां को बाबो काम बणावे जी,
आने जो ध्यावे बोतो मौज उड़ावे जी,
ऐसो दातार कठे देख्यो ना सुण्यो जी ।।