Teri yaad ghaneri aawe bhakta ne kyu tarsawe,तेरी याद घणेरी आवै, भक्तां नै क्यूं तरसावे,shyam bhajan

तर्ज- मेरा छोटा सा परिवार

तेरी याद घणेरी आवै, भक्तां नै क्यूं तरसावे ।।

थांरी याद मं हिवड़ो तरसै है, म्हारी आंख्यां झुरझुर बरसै है, प्रभु रात्यूं नीन्द न आवै, भक्तां नै क्यूं तरसावै।।तेरी याद घणेरी आवै, भक्तां नै क्यूं तरसावे ।।

क्यूं इतणो प्रेम बढायो थो, म्हानै सब्ज बाग दिखलायो थो, इब क्यूं न प्रेम निभावै, भक्तां नै क्यूं तरसावै।।तेरी याद घणेरी आवै, भक्तां नै क्यूं तरसावे ।।

यदि आणो जाणो बण्यो रवै, यो प्रेम परस्पर घुळ्यो रवै, ई मं थांरो के घट ज्यावै, भक्तां नै क्यूं तरसावै।।तेरी याद घणेरी आवै, भक्तां नै क्यूं तरसावे ।।

तूं बीच बीच मं आया कर, म्हानै भी श्याम बुलाया कर, तनै “बिन्नू” के समझावै, भक्तां नै क्यूं तरसावै।।तेरी याद घणेरी आवै, भक्तां नै क्यूं तरसावे ।।