Motida mhare man ka aaj pirode baba shyam,मोतीड़ा म्हारे, मन का, आज पिरोदे, बाबा श्याम,shyam bhajan

(तर्ज – उमराव थारी बोली, प्यारी लागे….)

मोतीड़ा म्हारे, मन का, आज पिरोदे, बाबा श्याम,ओ श्यामजी ओऽऽऽ, ओ ओ बाबा श्याम ।।

यूं तो, कमाई ना करी, घणो कमायो पाप, सांसा, बिकबा, लागगी, निज करणी की ताप, इब, थारे अलावा, कुण बचासी, सुण ले, बाबा श्याम ।।श्याम,ओ श्यामजी ओऽऽऽ, ओ ओ बाबा श्याम ।।

सोचण वाली बात है, तने पिछाण्यो देर, हार गयो, जद सांवरा, खूब लगायी टेर, हिवड़े से, लगा ले, भगत बणा ले, खाटू वाला श्याम।श्याम,ओ श्यामजी ओऽऽऽ, ओ ओ बाबा श्याम ।।

भोत गयी, थोड़ी रही, पीड़ हरो महाराज, थे ही म्हारा देवता, करणो पड़सी काज, दरबार में थारे, मीत पुकारे, जय जय बाबा श्याम ।। श्याम,ओ श्यामजी ओऽऽऽ, ओ ओ बाबा श्याम ।।

मोतीड़ा म्हारे, मन का, आज पिरोदे, बाबा श्याम,ओ श्यामजी ओऽऽऽ, ओ ओ बाबा श्याम ।।