रिमझिम पायल बाजे, थारे घेरो घेरों ढोल बाजे, मारे मगरा री धणीयाणी ऐ मां, घेरों घेरों ढोल बाजे।
थारे माथा पे चुन्दड सोवे, थारे टीलडी रो सिणघार, ढोला रे ढमके आवो मारी मां, घेरो घेरों ढोल बाजे ॥
थारे काना में कुंडल सोहे, थारे नथडी रो सिणघार, रमती खेलती आवो मारी मां, घेरो घेरों ढोल बाजे ।।
थारे हाथ में बाजु बंद सोवे, थारे चुडला रो सिणघार, कोई रमती खेलती आवो मारी मां, घेरो घेरों ढोल बाजे ॥
थारे पगा में पायल बाजे, थारे बिछीया रो सिणघार, कोई रमती खेलती आवो मारी मां, घेरो घेरों ढोल बाजे।
थारो ऊंचों ऊंचों मन्दिर थारो, थारी ध्वजा फरूखे भारी, ढोला रे ढमके आवो मारी मां, घेरो घेरों ढोल बाजे।।
भगत मण्डल गुण गावे, चरणा में शिश नमावे, भगतां ने सोरा राखो मारी मां, घेरो घेरों ढोल बाजे।।
रिमझिम पायल बाजे, थारे घेरो घेरों ढोल बाजे, मारे मगरा री धणीयाणी ऐ मां, घेरों घेरों ढोल बाजे।
Naye Naye Bhajan Lyrics 