Hame mori sayal suno re sidha ramdev,हमें मोरी सायल सुणो रे, सिद्द रामदेव हो ओ ओ जे,ramdev ji bhajan

हमें मोरी सायल सुणो रे, सिद्द रामदेव हो ओ ओ जे, केठोड़े लगावो इतरी, देरी रे महाराजा, हमे मोरी सायल सुणो रे, सिद्द रामदेव हो ओ ओ जे।।

देवरे रे आगे बावड़ी खुदावो हो ओ जे, ए झारी भर हाजर होवो रे महाराजा वो, काची रे केळ रा दातण दिराऊ रे ए हो जे, पीरजी ने कुरलो कराऊ रे महाराजा आ, हमे मोरी सायल सुणो रे, सिद्द रामदेव हो ओ ओ जे।।

खीर खांड रा इमरत भोजन हो ओ ओ जे ए, बापजी ने नेत जिमावा रे महाराजा, आप जीमो रे हरजी सेवा रे माय हाजर हो ओ जे, रुच रुच भोग लगावो रे महाराजा आ, हमे मोरी सायल सुणो रे, सिद्द रामदेव हो ओ ओ जे।।

एक मोरी सायल सुणो रे बाबा रामदेव हो जे, हिंगलू पायो रो बाबा ढोलियो रे ढलाऊ रे हो जे, फूलों हन्दी सेज बिछाऊ रे महाराजाओ, आप पोढो रे हरजी सेवा रे माही हाजर हे जे ए, ढोलिये रो चाकर रेऊ रे महाराजा आ, हमे मोरी सायल सुणो रे, सिद्द रामदेव हो ओ ओ जे।।

नव नव डाणु बाबा आगे थे दलिया हे ए जे ए, दशवे कालिंगे री बारी हो महाराजा आ, हरी रे शरणे में भाटी हरजी बोलिया हो ओ जे ए, जुग जुग चरणों में राखो रे महाराजा आ, हमे मोरी सायल सुणो रे, सिद्द रामदेव हो ओ ओ जे।।

हमें मोरी सायल सुणो रे, सिद्द रामदेव हो ओ ओ जे, केठोड़े लगावो इतरी, देरी रे महाराजा, हमे मोरी सायल सुणो रे, सिद्द रामदेव हो ओ ओ जे।।