डावोडो मारगियो अम्बा जावे रे जैसोणे, जीमणो नागोणे रे मांय म्हारी माँ ऊंचो रे देवळ मैया ऊजळो भवानी, जीमणो नागोणे रे मांय म्हारी माँ। ऊँचे ऊँचे मंदिर देवी आप विराजो।
जीमणे ने चाढू देवी चूरमो ए भवानी, डावोडा ने लिलोड़ा नारले म्हारी माँ अम्बा, ऊंचो रे देवळ मैया ऊजळो। आय ले नागोणा री राय म्हारी माँ अम्बा, ऊंचो रे देवळ मैया ऊजळो।
दुरा देशा रा मैया आवे जातरू भवानी, निवण करे नर नार म्हारी माँ अम्बा। ऊंचो रे देवळ मैया ऊजळो भवानी।
ऊँचे ऊँचे भाखर मैया आप विराजो, धजा फरुखे आसमान म्हारी माँ अम्बा। ऊंचो रे देवळ मैया ऊजळो भवानी।
नागोणा में बणियो थारो देवरो भवानी, मोतीड़ा तपे रे लिलाड़ म्हारी माँ अम्बा। ऊंचो रे देवळ मैया ऊजळो भवानी।
बांझिया रे मांगे देवी पालणो मैया,
बांझिया ने पुतर देराव म्हारी माँ अम्बा। ऊंचो रे देवळ मैया ऊजळो भवानी।
नागोणा सरीखा शहर में मैया, चमक रयो असमान मैया।ऊंचो रे देवळ मैया ऊजळो भवानी।
सेस कीर्तियों रो झूलरो अ माजी, भोपोजी पूनम केरो चाँद मैया ऊंचो रे देवळ मैया ऊजळो भवानी।
नागोणा में लीनो अवतार ओ मैया, नागोणा में लीनो विश्राम म्हारी माँ अम्बा ऊंचो रे देवळ मैया ऊजळो भवानी।
भाखर फुलके देवी देवलो ए भवानी, थारी धजा रे फरुखे आसमान अम्बे। ऊंचो रे देवळ मैया ऊजळो भवानी।
नागोणा में ऐसो सूरज उगियो भवानी, ध्यावे है सभी सारो लोग म्हारी माँ अम्बा ऊंचो रे देवळ मैया ऊजळो भवानी टेर
Naye Naye Bhajan Lyrics 