Chalo ji chalo chalo bhayida re chalo chala balaji re dham,चालो जी चालो चालो भाईडा रे ,चालो चाला बालाजी रे धाम,balaji bhajan

तर्ज, चालों रे भक्तों चलो रामदेवरे

चालो जी चालो चालो भाईडा रे ,
चालो चाला बालाजी रे धाम।

सालासर में धाम कहावे ,
नर नारी दर्शन ने आवे।
मेवा मिसरी भोग चढ़ावे ,
राम नाम धुन सगळा गावे।
ध्यावे सब संसार भाईडा रे ,
चालो चाला बालाजी रे धाम।

माँ अंजनी रा लाल दुलारा ,
राम सिया रा सेवक प्यारा।
बाला लाल लंगोटी वाला ,
निज भक्ता रा है रखवाळा।
पवन पुत्र हनुमान भाईडा रे ,
चालो चाला बालाजी रे धाम।

चेत पूनम रो मेळो लागे ,
भीड़ घणी भगता री लागे।
ढोल नगाड़ा ताशा बाजे ,
सुता भाग भगत रा जागे।
गूंजे जय जयकार भाईडा रे ,
चालो चाला बालाजी रे धाम।

इन कलजुग में महिमा भारी ,
देव बड़ा बाला उपकारी।
बालाजी री छवि है न्यारी ,
मूरत लागे सब ने प्यारी।
शोभा है अपरम्पार भाईडा रे ,
चालो चाला बालाजी रे धाम।

महिमा दास अशोक सुणावे ,
धुप दीप कर ध्यान लगावे।
हाथ जोड़ अरदास सुणावे ,
बालाजी ने शीश नवावे।
भव सु कर दो पार भाईडा रे ,
चालो चाला बालाजी रे धाम।

चालो जी चालो चालो भाईडा रे ,
चालो चाला बालाजी रे धाम।