Apne Piya ki meera bani re joganiya,अपने पिया की मीरा ,बनी रे जोगनियाँ,meera bhajan

अपने पिया की मीरा ,
बनी रे जोगनियाँ।
आवो नी पधारो म्हारा सांवरिया ,
ओ म्हारा सांवरिया।
मीरा बनी रे जोगनियाँ।

मनडे रो मोर थारा ,
दर्शन खातिर तरसे है।
आँख प्यारा आसुडा ,
सावण ज्यू बरसे है।
टप टप पलका सु नैण भरिया।
हो काना ! टप टप पलका सु नैण भरिया,
मीरा बनी रे जोगणिया।
अपने पिया की मीरा ,
बनी रे जोगनियाँ। टेर।

घर रा तो लोग म्हाने ,
बावळी बतावे है।
संग री सहेल्या म्हें पे ,
आगली उठावे है।
हसी उड़ावे नैना टाबरिया।
हो काना ! हसी उड़ावे नैना टाबरिया,
मीरा बनी रे जोगणिया।
अपने पिया की मीरा ,
बनी रे जोगनियाँ। टेर।

चाहे जितने दुःख दे ले ,
चाहे ज्यू परख ले।
एक बात म्हारी तू ,
कान खोल सुण ले।
तू मोहन में तेरी जोगनियाँ।
हो काना ! तू मोहन में तेरी जोगनियाँ,
मीरा बनी रे जोगणिया।
अपने पिया की मीरा ,
बनी रे जोगनियाँ। टेर।