Daro daro ri rang banwari pe daro daro ri,डारो डारो री रंग बनवारी पै, डारो डारो री,krishna bhajan

डारो डारो री रंग बनवारी पै, डारो डारो री।

लालहिं लाल गुलाल गाल मलु,
मलु अबीर लटकारी पै, डारो डारो री।डारो डारो री रंग बनवारी पै, डारो डारो री।

रंग बिरंग रंग पिचकारिन,
डारो री गिरिधारी पै, डारो डारो री।डारो डारो री रंग बनवारी पै, डारो डारो री।

छोरी लेउ याकी लटुकी कमरिया,
लै चलु भानुदुलारी पै, डारो डारो री।डारो डारो री रंग बनवारी पै, डारो डारो री।

सेहरा बांधि बनाय दुल्हनिया,
मिली नचाऊ अलि तारी पै, डारो डारो री।डारो डारो री रंग बनवारी पै, डारो डारो री।

बलिहारी ‘कृपालु’ ब्रज नारिन,
बलिहारी येही यारी पै, डारो डारो री।डारो डारो री रंग बनवारी पै, डारो डारो री।