Bhadarwa ri bij bapji bhadarwa ri bij re,भादरवा री बीज बापजी ,भादरवा री बीज रे,ramdev ji bhajan

भादरवा री बीज बापजी ,
भादरवा री बीज रे।
अजमल रे आंगण ,
आविया अन्नदाता ओ। जी।

होय लीले असवार बापजी ,
होय लीले असवार रे।
भगता रा कारज ,
सारिया अन्न दाता ओ। जी।
भादरवा री बीज बापजी ,
भादरवा री बीज रे। टेर।

सुगणा करी पुकार बापजी ,
सुगणा करी पुकार रे।
भाणु ने करियो ,
जीवतो अन्न दाता ओ। जी।
भादरवा री बीज बापजी ,
भादरवा री बीज रे। टेर।

बाण्यो करी पुकार बाबजी ,
बाण्यो करी पुकार रे।
समदा में तिराई ,
जाजडी अन्नदाता ओ। जी।
भादरवा री बीज बापजी ,
भादरवा री बीज रे। टेर।

भालो लीनो हाथ धजाबंध ,
भालो लीनो हाथ रे।
भेरू रागस ने ,
दाबियो धरती में ओ। जी।
भादरवा री बीज बापजी ,
भादरवा री बीज रे। टेर।

बीराठिया रे माय बापजी ,
बीराठिया रे माय रे।
थारो सुन्दर बनियो ,
देवरो अन्नदाता ओ। जी।
भादरवा री बीज बापजी ,
भादरवा री बीज रे। टेर।

बिठूजा रे माय बाबजी ,
बिठूजा रे माय रे।
दर्शन ने आवे ,
देवरे नर नारी ओ। जी।
भादरवा री बीज बापजी ,
भादरवा री बीज रे। टेर।

परचा रो नहीं पार बाबजी ,
परचा रो नहीं पार रे।
थारी महिमा अपरम्पार ,
है अन्नदाता ओ। जी।
भादरवा री बीज बापजी ,
भादरवा री बीज रे। टेर।

भगत करे पुकार बापजी ,
भगत करे पुकार रे।
दुखिया रे बेले ,
आवजो बाबाजी ओ। जी।
भादरवा री बीज बापजी ,
भादरवा री बीज रे। टेर।