सीठना
इशर जी तो पेंचों बाँध गोरां बाई पेंच संवार औ राज,महे इशर थारी साली छां।
साली छाँ मतवाली औ राज, भंवर पटा पर वारी औ राज,महे इशर थारी साली छां।
केशर की सी क्यारी औ राज लूंगा की सी बाड़ी औ राज,महे इशर थारी साली छां।
इशर जी तो मोती पैर ,गोरां बाई गरदन संवार औ राज,महे इशर थारी साली छां।
इशर जी तो बीटी पैर गोरां बाई आंगली संवार औ राज,महे इशर थारी साली छां।
इशर जी तो बागो पैर गोरां बाई कली संवार औ राज,महे इशर थारी साली छां।
इशर जी तो मोजा पैर गोरां बाई चाल निरख औ राज,महे इशर थारी साली छां।
साली छाँ मतवाली औ राज भंवर पटा पर वारी औ राज,केशर की सी क्यारी औ राज लूंगा की सी बाड़ी औ राज,महे इशर थारी साली छां।
माय भैण स प्यारा औ राज, चाबा लूँग सुपारी औ राज,महे इशर थारी साली छां।
इशर जी खावे बतासा गोरा बाई करे तमाशा औ राज,महे इशर थारी साली छां।इशर जी तो ले लयावे कतरनी, गोरा बाई करे कुचरनी, औ राज,महे इशर थारी साली छां।
साली छाँ मतवाली औ राज भंवर पटा पर वारी औ राज,केशर की सी क्यारी औ राज लूंगा की सी बाड़ी औ राज,महे इशर थारी साली छां।
Naye Naye Bhajan Lyrics 