Aaj mharo bhag jago bhalo Ugo bhan re,आज म्हारो भाग जागो ,भलो उगो भांण रे,guru bhajan

आज म्हारो भाग जागो ,
भलो उगो भांण रे ।
संत आया पावणा ,
म्हारा चूकिया जम डाण रे ।।
आज म्हारो

संत आया आनंद छाया ,
आंगणिये घमसान रे ।
ज्ञान गोला छूटण लाग्या ,
टूटी कुल री काण रे ॥

आज म्हारो भाग जागो ,
भलो उगो भांण रे ।
संत आया पावणा ,
म्हारा चूकिया जम डाण रे ।।
आज म्हारो

शब्द सुणिया भला बणिया ,
आ गयो आपाण रे ।
कर्म भरम विकार भागा ,
तीर मारया ताण रे ॥

आज म्हारो भाग जागो ,
भलो उगो भांण रे ।
संत आया पावणा ,
म्हारा चूकिया जम डाण रे ।।
आज म्हारो

अधर मेड़ी उलट पेड़ी ,
ज्यारी पड़ गई जाण रे ।
झिलमिल दीदार दरस्या ,
काई करूँ बखाण रे ।

आज म्हारो भाग जागो ,
भलो उगो भांण रे ।
संत आया पावणा ,
म्हारा चूकिया जम डाण रे ।।
आज म्हारो

कहां आना कहां जाना ,
मिट गयी खेंचाताण रे।
गुरु शरणे सिमरथ बोले ,
बैठो मौजा भांण रे ॥

आज म्हारो भाग जागो ,
भलो उगो भांण रे ।
संत आया पावणा ,
म्हारा चूकिया जम डाण रे ।।
आज म्हारो