Aji ha sa mhari runak jhunak payal baje sa,अजी हाँ सा म्हारी रुणक झुणक पायल बाजे सा,

अजी हाँ सा म्हारी रुणक झुणक पायल बाजे सा।बाई सा रा वीरा, नैना रा लोभी, की करी आउ सा।बाई सा रा वीरा की करी आउ सा।

अजी हाँ सा मैं तो आउ ना पाछी मूडी जाउ सा।
बाई सा रा वीरा ओ रे नैना रा लोभी की करी आउ सा।बाई सा रा वीरा की करी आउ सा।

अजी हाँ सा म्हारी महला चड़ती री पायल बाजे सा।बाई सा रा वीरा, ओ रे गढ़पतिया ढोला, की करी आउ सा।नैना रा लोभी की करी आउ सा।

अजी हाँ सा म्हारा दाँत रा चड्लीया पलका मारे सा।बाई सा रा वीरा, ओ रे लज्जा रे रा ढोला, की करी आउ सा।बाई सा रा वीरा की करी आउ सा।

अजी हाँ सा म्हारा सासूजी पोढ़या ने बाई सा जागे सा।
नैना रा लोभी ओ रे मदछकिया ढोला, की करी आउ सा।बिलारा बन्ना की करी आउ सा।

अजी हाँ सा म्हारी खिड़की खोलू तो कॅट्क्ल बाजे सा।नैना रा लोभी ओ रे बिलारा बन्ना की करी आउ सा।बिलारा बन्ना की करी आउ सा।