म्हे थांन जोशी रा बेटा बिनवां, म्हारी गवरां से लगन लिखायाओ। जोशी जी रा छावा, आज म्हारो गवर बनोरो निसरयो ।
म्हे यांन मोढ़ी रा बेटा बीनवां, म्हारी गवरां से चूनड़ी रंग ल्याओ। मोदी जी रा छावा, आज म्हांरो गवर बनोरो निसरयो।
म्हे थांन कुम्हारां रा बेटा बिनवां, म्हांरी गवरां से कुंभ कलस घड़ ल्याया ओ। कुम्हारां रा छावा, आज म्हारो गवर बनोरो निसरयो ।
म्हे यांन खाती रा बेटा बिनवां, म्हारी गवरां रो बाजोटो घड़ ल्याया ओ । खाती जी रा छावा आज म्हारो, गवर बनोरो निसरयो।
म्हे थांन दरजी रा बेटा बिनवां, म्हारी गवरां रो घाघरो सिड र ल्याया ओ
दरजी रा छावा आज म्हारो गवर बनोरो निसरयो।
म्हे थांन सोनी रा बेटा बिनवां, म्हारी गवरां रो गेणो घड़ ल्याया ओ। सोनी जी रो छावा आज म्हारो गवर बनोरो निसरयो ।
नोट: सभी घर वालों का नाम लेव
म्हारी गवरां री चूनड़ ली मोलाया ओ
म्हांरी गवरां री मेन्दोली मोलाया ओ . जीरो छावा।
म्हांरी गवरां री जान जिमाया ओ म्हांरी गवरां रा सेवरा दिराया ओ.. जीरो छावा।
म्हांरी गवारां सिखड़ली दराया ओ आज म्हांरो गवर बनोरो निसरयो।